من مستخدم أودو..
لنينجا أودو
خريطة طريق كاملة لتعلم Odoo من الصفر للـ Go-Live: 123 حلقة على 6 أحزمة، امتحان بعد كل حزام، وشهادة باسمك لو اجتزت 80%.
مش شرح زراير.. ده تطبيق حقيقي.
20المحتوى على أحدث إصدار من Odooرحلة الأحزمة الستة
زي النينجا بالظبط: كل حزام بيبني على اللي قبله. تتفرج على الحلقات، تطبّق المخرج العملي، تمتحن، وتاخد الشهادة.
الأساسيات وإدارة النظام
تفهم Odoo كنظام، وتقدر تنشئ داتابيز وتتنقل فيها وتثبّت تطبيقاتها، وتظبط إعداداتها الأساسية وتدير المستخدمين والصلاحيات والشركات والمتابعة.
البيانات الأساسية والمشتريات والمبيعات
تبني الداتا الأساسية صح (العملاء والموردين، شجرة الحسابات والدفاتر والضرايب وشروط السداد، الفئات والمنتجات)، وبعدين تتقن دورتي Procure-to-Pay و Lead-to-Cash بكل حالاتهم: الأسعار، التسليم، الفوترة، المرتجعات، والتحليل.
المخازن والتصنيع
تدير المخازن بكل تفاصيلها، وتفهم طرق التكلفة وتقييم المخزون، وتنفّذ دورة تصنيع كاملة بتكلفتها الحقيقية، وتظبط مسارات التوريد (حسب الطلب، الشحن المباشر، الخدمات من مورد، التوريد بين المخازن).
المحاسبة والماليات
تمشّي محاسبة Odoo يوم بيوم: الفواتير والتحصيل، البنك والتسويات، الأصول والمؤجلات، الإقفال والقوائم المالية ولوحة المتابعة، والتوطين المصري والسعودي والإماراتي.
الموارد البشرية والخدمات والتطبيقات الإضافية
تدير الموظفين والرواتب، وشركات الخدمات والمشاريع، ونقاط البيع والمتجر الإلكتروني.
احتراف التنفيذ والمشروع الختامي
تحوّل كل اللي اتعلمته لمنهجية تنفيذ حقيقية، تسدّ الفجوات بـ Studio والـ AI قبل الكود، وتخلّص مشروع Odoo كامل من الصفر للـ Go-Live.
شوف الفلوس بتتحرك
محاكي تفاعلي: تمشي خطوة خطوة في دورة بيع أو شراء أو تصنيع أو رواتب، تشوف المستند اللي Odoo بيعمله، القيد وهو بيتسجل، والأرصدة بتتحرك قدامك. كده بتفهم «ليه» قبل «إزاي» — وده الفرق بين المستخدم والاستشاري.
مش بس تتعلم.. تتأهل كـ Implementer
أغلب اللي بيدخلوا هنا عايزين يشتغلوا Odoo Implementers. عشان كده المنصة فيها اللي بيتعلمه الاستشاري بعد 10 مشاريع — من أول يوم.
كل حاجة تخص Odoo.. حرفياً
مش فيديوهات بس. منصة كاملة تدخلها من الصفر وتطلع منها استشاري: صفحة لكل حلقة بالفيديو والمخرج العملي وملاحظاتك، ومكتبة مراجع بتفتحها وإنت شغال في مشاريعك.
20ليه مش ChatGPT بس؟
الـ AI أداة ممتازة وإحنا بنستخدمه في كل حلقة («برومبت الحلقة»). بس الإجابة لوحدها مش بتعمل Implementer.
| الـ AI بيديك | Odoo Ninja بيديك |
|---|---|
| إجابة سريعة | ✓ مسار كامل |
| معلومة ممكن تكون من إصدار قديم | ✓ Odoo 20 متراجع على الكود |
| خطوات عامة | ✓ قرار استشاري |
| مفيش إثبات | ✓ حزام وتطبيق مصحّح وشهادة |
| مفيش متابعة | ✓ خطة ودفعة وتحدي |
| مش هيوظّفك | ✓ وظايف وشبكة |
مش محاسب؟ ابدأ من هنا
المحاسبة اللي محتاجها عشان تفهم Odoo، بأمثلة من شركة التدريب.
إزاي المنصة شغالة؟
سجّل وابدأ خطتك
3 أسئلة وبتاخد خطة أسبوعية على مقاسك — من شهرين لـ 6 شهور حسب الخطة اللي تختارها — وجولة إرشادية تعرّفك كل حاجة في دقيقة.
اتفرج وطبّق
كل حلقة ليها «هتتعلم إيه» و«المخرج العملي» على داتابيز Odoo بتاعتك. الحلقة من غير تطبيق = معلومة هتتنسي.
امتحن الحزام
امتحان عشوائي بوقت محدد من بنك أسئلة حقيقي. النجاح من 80%، ولو ما نجحتش بتعيد بعد فترة انتظار قصيرة.
خد شهادتك وشاركها
شهادة باسمك (عربي أو إنجليزي) برقم تحقق وQR، تنزلها صورة، تضيفها لبروفايل لينكدإن بضغطة، وتشاركها على صفحاتك.
اكتب ملاحظاتك وجرّب نفسك
دفتر ملاحظات على كل حلقة، وتدريب سريع من بنك الأسئلة قبل الامتحان الحقيقي — من غير ما يتحسب عليك.
سلّم مشروعك الختامي
مشروع تطبيقي كامل على شركة حقيقية، بمراجعة شخصية واعتماد. ده أول سطر في الـ CV بتاعك كاستشاري.
الحزام الأسود
بعد الأحزمة الخمسة، امتحان نهائي شامل + المشروع الختامي. اللي يجتازه بيبقى Odoo Ninja Certified وبيدخل لوحة النينجا.
الفرق بين «شفت فيديوهات» و«بقيت Implementer»
| فيديوهات يوتيوب متفرقة | كورس مسجّل عادي | Odoo Ninja 🥷 | |
|---|---|---|---|
| ترتيب ومنهج من الصفر للـ Go-Live | ✗ | ✓ | ✓ 6 أحزمة · 123 حلقة · 10 دورات عمل |
| تطبيق عملي مُلزم بعد كل حلقة | ✗ | أحياناً | ✓ مخرج عملي + داتا تدريب |
| امتحانات حقيقية وشهادة قابلة للتحقق | ✗ | شهادة حضور | ✓ مشاهدة متحقَّقة + امتحان موقّت + QR |
| تفهم «ليه» مش بس «إزاي» | ✗ | ✗ | ✓ محاكي القيود + معمل القرارات |
| مشروع ختامي يتراجع من استشاري | ✗ | ✗ | ✓ مراجعة واعتماد شخصي |
| طريق للشغل | ✗ | ✗ | ✓ وظائف · شبكة النينجا · كشف درجات |
| السعر | مجاني | مدفوع | مجاني |
أسئلة بتتسأل كتير
المنصة مجانية فعلاً؟
أيوه. الحلقات، الامتحانات، الشهادات، المكتبة، المحاكي، ومعمل القرارات — كلها مجانية ومش هتتقفل.
محتاج خبرة قبل ما أبدأ؟
لا. الحزام الأبيض بيبدأ من «يعني إيه ERP». لو محاسب أو بتستخدم Odoo في شغلك هتمشي أسرع، بس مش شرط.
الشهادة معتمدة من Odoo؟
الشهادة صادرة من Odoo Ninja Academy (Ahmed Assaf — Certified Odoo Consultant وشريك Odoo عبر Pro Solutions)، وقابلة للتحقق برقم وQR. مش شهادة Odoo الرسمية — لكن المنهج بيجهّزك ليها، وفي صفحة «مسار الاستشاري» نصايح للامتحان الرسمي.
محتاج Odoo مدفوع عشان أطبّق؟
لا. الكورس كله على Odoo 20 Enterprise، وبتطبّق على تجربة Odoo Online المجانية (odoo.com/trial)، مش على داتابيز شغل حقيقي. التجربة ليها مدة محدودة بتظهر في الشريط اللي فوق الداتابيز، فاكتب تاريخ نهايتها في خطتك وصدّر شغلك المهم قبل ما تخلص. ولما تخلص افتح تجربة جديدة ورجّعها لبداية حزامك في دقايق بكيت «ابدأ الحزام من هنا» في صفحة «شركة التدريب». الحلقة 3 في الحزام الأبيض بتشرح الخطوات دي كلها.
افتح كيت «ابدأ الحزام من هنا» ←الحلقات على أنهي إصدار؟
Odoo 20 Enterprise (الأحدث)، وكل حلقة بتوضّح الفرق لو حاجة اختلفت عن 17/18/19. منطق الدورات والمحاسبة ثابت بين الإصدارات. وإزاي العميل يختار الإصدار والاستضافة المناسبين ليه بتشرحه الحلقة 2 في الحزام الأبيض.
إزاي الشهادة ليها قيمة؟
لأنها مش بتتاخد بالمشاهدة بس: الحلقة بتتحسب لما تتفرج عليها فعلاً، والامتحان عشوائي بوقت محدد وتعهد نزاهة، والحزام الأسود محتاج مشروع ختامي بيتراجع يدوياً. وكشف الدرجات بيوضّح كل ده لصاحب الشغل.
تابع الرحلة
الحلقات بتنزل على يوتيوب بالترتيب، والتكات والإنفوجرافيك على فيسبوك ولينكدإن. فعّل الإشعارات عشان أول ما حلقة تنزل توصلك.
